男:
一想情人好心傷，
夜夜想妹到天光，
先日當初發(fā)過誓，
樣般妹子心岸狼。
女:
阿哥唔使岸悲傷，
老妹同汝講分詳，
齊家分手為汝好，
拆散汝家唔應(yīng)當。 男:
二想情人心里慌，
夜里青眼到天光，
樣般老妹心岸恨，
恨心舍得多情郎。
女:
涯話阿哥唔使慌，
妹子把你放心上，
同汝分手涯心痛，
十分難舍有情郎。 男:
三想情人淚汪汪，
夜深人靜喑思量，
兩人牽手十幾載，
今日離別痛心腸。
女:
看到阿哥淚汪汪，
老妹獨自暗悲傷，
涯知阿哥有情義，
分別好比刀割腸。 男:
四想情人岸絕情，
今日翻臉唔認人，
兩人相愛有岸久，
汝話斷情就斷情。
女:
阿哥莫怪涯絕情，
無奈兩人有家庭，
旁人佢愛講閑話，
搞到矛面來見人。 男:
五想情人二月天，
想到阿哥發(fā)狂癲，
平時兩人感情好，
今日分手淚漣漣。
女:
看到阿哥發(fā)狂癲，
涯想回到汝身邊，
好想細聲同哥講，
老妹愛你在心田。 男:
六想情人在三更，
半夜醒來心里驚，
夢里常常同下嬲，
見妹唔到心滑冷。
女:
涯話阿哥心莫冷，
涯也夢里常驚醒，
醒來唔見親哥面，
目汁雙流面括青。 男:
七想情人在四更，
心里想妹唔敢聲，
話涯唔準打電話，
問妹想同慢人行。
女:
哥問涯同慢人行，
涯今老實話汝聽，
妹子感情好專一，
再唔喂同別人行。 男:
八想情人在五更，
靜靜細聽雞啼聲，
涯今想妹岸辛苦，
試問老妹汝知盲。
女:
五更聽到雞啼聲，
老妹醒來心著驚，
明知阿哥對涯好，
藏在心里唔敢聲。 男:
九想情人天大光，
想到頭暈又腦漲，
先日汝話對涯好，
樣般今日變心腸。
女:
五更一過就天光，
涯望阿哥愛健康，
希望阿哥愛理解，
老妹無意把哥傷。 男:
十想情人在心田，
心里想妹唔敢言，
都怪自家矛本事，
窮人難配嫩嬌連。
。 女:
涯話情哥莫亂言，
老妹苦悶在心田，
唔怪阿哥矛本事，
只怪兩人緣分淺。