<h3> 老北門額地方勿起眼，但是名氣響。特別是乘了公交車浪廂，廣播報站頭，老北門到了，到城煌廟去白相額人快點要下車，否則車門一關(guān)，開進隧道，出來沒方向了，浦西變浦東。如果問路，勿是老城廂額人是講勿清爽老北門辣嗨鞋里只角，最多曉得公交站頭額地方。</h3><h3> 老北門站頭靠近河南中路，辣嗨人民路上。 舊倉街和侯家路當中老底子有一條北門路，原名晏海路，門外頭還有一條北門外大街，河南路拓寬時儕弄特了?，F(xiàn)在老北門只有公交站頭上還有名稱。</h3><h3> 清朝末年額辰光，上海老城有九個城門，靠近北面額城門，大名叫“晏海門”?！瓣獭鳖~解釋是天空晴朗嘸么云，也就是風(fēng)平浪靜額意思，當時倭寇（老底子對日本人打仗辰光額叫法）從東北方向侵入上海，晏海額意思就是北方海疆太平無事。</h3><h3> 因為清末北面租界越來越繁榮，城里人叫城外租界為"北市"，所以老城廂就是"南市"了。當年老百姓對租界嘸么介多額國仇家恨，反而向往租界。因為租界干凈清爽，老城人太多，有點臟亂，所以“北市”“南市”脈搭勿牢。</h3><h3> 到19世紀70年代，城里廂有鈔票人買好點額么事儕要到“北市”去買，就像現(xiàn)在人要買外國貨，有洋文，看勿懂嘸么關(guān)系，拎出來腔調(diào)要有。當時有個規(guī)定，城門到夜到頭六點鐘就要關(guān)特，，介早關(guān)城門對城內(nèi)外出呃人勿便當，勿過“有錢能使鬼推磨”，塞點鈔票百當差寧，伊拉就會放儂進出。結(jié)果越來越多管門額人儕要值夜班賺外快，一些民眾也聚集辣嗨北門邊浪廂，見機行事，一哄而上，溜進溜出。</h3><h3> 但交關(guān)人還是進不了城，所以北門外夜到頭無形當中有了夜市，1877年10月2日額《申報》記了格能介一樁事體，有一天，幾百個人夜頭辣嗨老北門外頭瞎起哄鬧事，突然有個人對當差額大喊“我有腰牌快開門！”腰牌是官方發(fā)額通行證，可以隨時進門，結(jié)果城門剛開了一條縫，幾百個人一哄而上想進城，有幾個人被擠得落了護城額河濱里，其實講有腰牌額寧也是個阿詐里騙騙人額。一直到19世紀90年代，關(guān)門辰光延長到夜頭十點鐘，格辰光租界燈紅酒綠開始鬧猛了。</h3>