<p class="ql-block">夏 日 印 象</p><p class="ql-block">（二）</p><p class="ql-block">青少年時代</p><p class="ql-block">時間推至上世紀五十年代中至游泳池。我也成為中學生、高中生，搿種捉“藥胡翅”的小兒科搿事體已經勿上臺面了，熱天頂時髦就是去游泳。</p><p class="ql-block">記得搿辰光屋里住的一圈傍邊游泳池有“新成游泳池”、“麗都花園游泳池”、“體育俱樂部室內游泳池”、“競技指導科室內游泳池”（地方嘞辣現在搿南京西路“上海電視臺”迭一塊。當時是體院的訓練地方，里廂有體操房、足球場、游泳池）。阿拉一幫搭子一開始專門游中午場，便宜，一角洋鈿。后來勿對了，游夜場了。鈔票舍地方來？棒冰銅鈿省下來、大人搿垯七纏八纏纏得來，勿容易。有辰光游泳票還買勿到，只好拎了條游泳褲，辣啦游泳池門口頭五頭六等退票。 </p><p class="ql-block">搿辰光去游泳簡單，赤膊穿條短褲，手啷拎條游泳褲、毛巾，有辰光毛巾也勿帶，輕裝上陣，便當。剛剛學游泳辰光，到了游泳池一幫小居（鬼）只曉得瘋，儂拿我撳了水里我拿儂撳了水里，瞎弄。游來游去狗爬式。后來勿對了，一個個像只水老蟲，一歇歇游到搿垯一歇歇游到伊垯，自由泳、蛙式、仰泳，姿勢勿標準，也像模像樣，自學成才。當然，天熱人多，勿要講小了一眼眼搿麗都花園游泳池（不是標準池，乓頂只有12米闊，20米長），就是有名的新成游泳池也嘎得勿得了，淺水區(qū)人像插臘炷一樣噶了一道，老居（鬼）的儕盤了深水區(qū)。衛(wèi)生條件勿談了，有辰光游泳池里的水像醬油湯，黃辣辣一池子。有的小赤佬游發(fā)游發(fā)，嘞辣里廂一頭游一頭撤水，實在骯山。不過閑話講轉來，搿辰光倒也唔沒聽到過發(fā)生舍搿傳傳染病。哈哈，也許迭晨光人搿抵抗力靈光。</p><p class="ql-block">到了高中辰光勿談了，額骨頭碰上天花板，撥辣當時上海灘水上運動著名指導看中，進了體育俱樂部跳水訓練班。老蟲跌嘞米缸里，勿要講嘞辣熱天篤定游泳（當然，因為是跳水訓練班，游泳還是要偷盤游兩圈，免得教練看到），冷天照樣可以到游泳池里泡泡。一開始嘞辣體育俱樂部溫水池訓練，當然泳池勿大，一只猛子就可以橫穿游泳池，不過剛剛練跳水唔沒問題。搿辰光上海灘唔沒標準跳水池，也唔沒高臺跳水（十米跳臺），一般游泳池只有一米跳板，新游泳池也只有一米跳板搭子一只三米跳臺。所以要練三米跳板就要跑到江灣游泳池或者虹口區(qū)的海軍司令部游泳池去。當然，我既然進了體月俱樂部跳水訓練班，搿種地方也就可以去了。搿辰光跳水的設備和現在勿好比，木頭跳板石石硬，勿像現在的跳板彈性斜起好?，F在復興中路啷，叭辣拆忒搿“上海跳水池”搿辰光還唔沒造起來，一直到上世紀六十年代才建造，可惜又拆忒了。</p>